Iyadoo la raacayo heshiiskii qaab-dhismeedka ee dhawaan lagu saxiixay Rome bishii Diseembar ee la soo dhaafay, kaas oo u dhexeeyay Mudane Abdisaid Muse Ali, Wasiirka Arrimaha Dibadda iyo Iskaashiga Caalamiga ah, iyo Mudane Marco Minniti, Guddoomiyaha MED-Or Leonardo Foundation, iyadoo ay goob joog ahaayeen Mudane Luigi Di Maio, Wasiirka Arrimaha Dibadda iyo Iskaashiga Caalamiga ah ee Talyaaniga, iyo Mudane Abdullahi Abukar Haji, Wasiirka Waxbarashada, si loo dhiso iskaashiyo la xiriira hindiseyaal waxbarasho iyo dhaqan, Dowladda Federaalka Soomaaliya waxay si farxad leh u wargelinaysaa in tiro deeqo waxbarasho ah la siiyay ardayda Soomaaliyeed ee ka qalin-jabisay Jaamacadda Ummadda Soomaaliyeed (SNU).
Deeqaha waxaa ka mid ah koorsooyin takhasus hal sano ah oo Caafimaadka ah, iyo koorsooyin Master ah oo ku saabsan qaybaha Amniga iyo Xuquuqul Insaanka, Injineeriyadda Makaanikada, Kaymaha, Daraasaadka Deegaanka, iyo Dhaqaalaha Wareegga ah (Circular economy).
Koorsooyinku waxay waafaqsan yihiin baahiyaha qaybaha dowladda iyo kuwa gaarka loo leeyahay ee Soomaaliya. Dowladda Federaalka Soomaaliya waxay u mahadcelinaysaa MED-Or Leonardo Foundation iyo Dowladda Talyaaniga taageerada qiimaha badan ee ay siiyeen ardayda qalin-jabisay ee heerka ugu sarreeya ka kala yimid Soomaaliya oo dhan. MUQDISHO, SOOMAALIYA Abriil 9.5 2022





